زيان لخالد البكاي (البكاري) “الحب بزززاف عليك”
De // NaBae 24
محمد زيان جالس TRANQUILLE ف السيلون ديالو لابس أنيق كالعادة واكل مزيان و شارب (الدوا) مزيان. كيعتارف للجميع أن التامك مغربي صحراوي شهم وأصيل مهلي فيه وماناقصو خير. زيان كالس تيقرا الكتاب الشهير (كفاحي) ديال هيتلر. الصحفي الجاسوسي عبد الحق السم-بريرو كان دار شحال هادي تسريب لجريدة إسبانية وقاليها بأن زيان غادي ينشر مورا رمضان واحد الكتاب قنبلة غادي يفضح فيه كولشي . كتاب زيان المنتظر غادي يكون العنوان ديالو ( نكاحي).
شوية صونا التليفون على زيان.خالد البكاري على الخط.
زيان : ألو شكون معايا.
البكاري: أستاذ زيان مساء الخير كيف أحوالك توحشناك.
زيان: كولشي مزيان منين بعدت منكم. قالوا لي بأن المناضلين ولاو مسمينك خالد البكاي علاش؟
البكاري: خليها على الله سي زيان. كنت كندوي فالمباشر ديال برنامج (فرنسا في أسبوع) وشويا فقدت الأعصاب ديالي وبديت كنبكي ونغوت و نتنخصص حيت تفكرت المناضلة ديالنا سعيدة.
زيان(غضبان) : براكا من خرايف جحا. سعيدة المنبهي ماتت الله يرحمها من شحال هادي. واش تقاضاو ليكوم الأحياء ورجعتو تسمسرو فالموتى؟.
البكاري: لا أسي زيان كندوي على سعيدة…سعيدة العلمي لي مشدودة فالحبس.
زيان: آه هاديك لي صحابك تيقولو عليك طايح معاها؟ را كولشي كيوصلني فالحبس. الله يخلي ليا سي عبد الحق والكتاب لي كنوجد غادي نفضح فيه كولشي.
البكاري : سي زيان أنا عيطت عليك باش تشوف لي شي تخريجة ندافعو على سعيدة ونتا كتفضح فيا.
زيان: واش نتا باغي تضحك عليا. منين تيكونو لعيالات ما تيكون بو نضال نتا عارف و أنا عارف خليني ساكت رمضان هذا.
البكاري: ولكن راني كنبغيها وكنموت عليها. عافاك أسي زيان نتا راك خبير فالحب والغراميات شوف لي شي حل وما تسالني غير نبقى ندافع عليك.
زيان: بزاف عليك باش تدافع عليا. شنو بغيتي نقول ليك نتا ماشي راجل كان عليك تعتقها قبل ما تشد.
البكاري: كيفاش نعتقها قولي عافاك.
زيان: كان عليك تخبيها ف لكوفر ديال طوموبيلتك. أو تشوف كيفاش تخرجها من سبتة انت زعما راك ولد الشمال وكتعرف قوالب لحريك أو على الأقل كونتي تشوف مع المعطي الله يرحمو قبل ما يموت يخرجها لتونس.
البكاري: شكون هاد المعطي الله يرحمو؟
زيان: منجب ياك داير إضراب على الطعام مات ولا مزال؟
البكاري: سي زيان خلينا فالمعقول منجب باقي فالحياة كيفاش فلتات ليك هادي وانت عندك عبد الحق تيجيب ليك كاع لخبار.
زيان: أنا غير كنطنز عليك واش المعطي كيدير بعدا شي إضراب باش يموت. تلاقيتو غير رباعة ديال لكدابة والشلاهبية ولقوالبية. أنا بعدا راجل دخلت لحبس على ود لعيالات ونتوما لعيالات دخلو للحبس على ودكم. الخير لي نقدر ندير فيك هو ندوي مع التامك يدير ليك ترخيص تبدا تمشيى تزورها فالحبس وخا انت ماتستاهلش حيت الحب بزاااف عليك.
الصدمة كانت قوية على خالد. خالد البكاي قطع التلفون وطلع لطوموبيلتو و الدموع ف عينيه. شعل الراديو باش يفوج على راسو تلاقى نيشان مع محمود الإدريسي كيغني ( ساعة ساعة سعيدة ما تباع بأموال……)..خالد بدا كيمسح دموعو وتيقول مع راسو : كون لقيت نبيع المغرب على ود حبيبتي سعيدة كون بعتو…(يتبع).
