كتستعد الأسر المغربية لاستقبال العيد الكبير… و كاين من الأسر اللي فرحانة لشي واحد من الأفراد ديالها اللي خرجات سميتو فالقرعة ديال الحج، و كيوجدو معاه لوريقات و ترتيبات السفر…
De // NaBae 24
كتستعد الأسر المغربية لاستقبال العيد الكبير… و كاين من الأسر اللي فرحانة لشي واحد من الأفراد ديالها اللي خرجات سميتو فالقرعة ديال الحج، و كيوجدو معاه لوريقات و ترتيبات السفر، و كاين من الأسر اللي عندها وليدات غادي يدوزو الباك و لا التاسعة…
المهم… المغاربة معروف شنو هي الهموم ديالهم من ارتفاع الأسعار و المصاريف الموسمية اللي ها اللي داير بحسابها و مخبي ليها ها اللي ما مسوگر ليها غير الشوفان…
فوسط هاد المعامع…
كاين واحد الفرگ اللي محسوب على بنادم اللي معندو علاقة بحتى حاجة من هادشي…. هما عندهم علاقة بتوجيهات و تعليمات كيجيو معاهم ملينات صحااااااح!
هذا موسم الگرمومة و تعمار الجياب عند الخوانجية مالين “زوجتك نفسي” و اليساريين مالين ” ماصايمينش”… اللي بالسلامة و العافية ناويين يخرجو لينا كتاب، اللي كتدور الأحداث ديالو حول معاناة عائلات ” الناكحين بدون حدود” اللي غادي يعطيو تصريحات بخصوص ” كيف تربي حيوان”، و غادي يزيدوهم حتى عائلات
” المنتىحرين” اللي الخوانجية كيقولك مدايزاش عليهم الصلاة و غاديين لجهنم ترونسيفيري، و عائلات هاد الناس غادي يعطيونا معلومات قيمة حول ” كيف تربي إنسانا بلا إيمان “.
المهم… هادشي فيه البكا و التغابن و كلينيكس و الخناين…
موراها غادي يخرجو لينا هاد الكتاب التربوي … بتأليف و سيناريو و حوار… و يقدر تحن عليهم الوقت و تعطاهم گاميلة مهورة يصورو بيها شي فيلم تترزق فيه #لبنى_أبيضار 🤣
الرفيقة ✌️ تجي معاك هاديك اللقطة ديال الدكتور باعسو و هو كيناضل فهاديك الطونوبيل باستماتة … شفناك مع حوالة، و النصارى بقاو صحاب إقامة الليل.. و راه كيقيموه مزيااااان 🤣
ديري فورماصيون للرفيق آلبينوص… يجي بوگوص فلقطة سليمان 😄
كنتمنى ليكم التوفيق…
غير متنساوش العيد الكبير 🤣
