يا سيدي يا ربي و آش هاد المكتاب!
De // NaBae 24
هم بشر مثلنا و لكنهم من نوع خاص… واحد النوع اللي يقدر ما جاش فالوقت اللي كان كيناسبو… كيحس براسو غريب و مفاهم حتى ? فالواقع ديالو و الواقع ديالو ما عندو حتى علاقة بعالم الفونطازم اللي كيحلم بيه ليل نهار !
كان باغي يعيش فسنوات الجمر و الرصاص، كان باغي تتطلع معاه شي قرعة باش يفسر لراسو شي ميول كيحس بيه و ما متقبلوش…
كان باغي يتضرب بالضو و تخلى عشتو مزيان، لأنه كيفونطازمي على شي بلانات فيهم المسيوطة و البانضة على العينين و المينوطات و شي واحدة لابسة طالون و جاراه بسلسلة كالكلب …
المهم… واحد النوع عندو فهادشي شي استمتاع فشكاااال !
و كاين واحد النوع آخر اللي كيجيه راسو مناضل و مهم، و تضيفلوبات عندو البارانويا ديال المخزن … المخزن كيتآمر عليه، المخزن بغى يصفيها ليه…
تقرصو ناموسة… فهي ناموسة مخزنية
يطيح فالدروج… الدروج صممهم المخزن بلعاني باش يطيحو
يحرر ليه بوليسي مخالفة لأنه محترمش قانون السير… المخزن كينتقم منو
و قس على ذلك!
- خلود المختاري قالتلك سليمان يموووووت و مخرجة لينا الكفن ديالو، و السيد صحيح فصيح ضارب 17 كيلو ديال لعسل مع مخو!
- المهداوي وقفو بوليسي سولو على بطاقة التعريف الوطنية، قاليه واش معرفتينيش شكون أنا؟ قالو لبوليسي : تكون اللي بغيتي تكون آرا نشوف لا كارط… طاح المهداوي فلرض كيتمرمد و كشكوشتو خارجة و شدوه لارياح!
- علي المرابط آلياص عدنان السبتي (هما جوج) … قالك المخزن بغى يقتىلو و هو فالصبليون… منعرف واش بغاو يصفيوها لعلي و لا لعدنان… لأن واحد ديالهم و واحد ديال وحدين خرين!
- محمد زيان قالك بغاو يصفيوها ليه لأن أسفل مؤخرتو كيتمسح مزيان و يقدر المخزن حسدو و لا منعرف كيفاش!
- بابا الراضي قالك لافواتور ديالو تضربات… المخزن يقدر بغاه يبدل فين كيدير لاصورانص!
- هشام المنصوري كان مصاحب مع امرأة مزوجة قالك المخزن اللي فرشخو حدا لاگار… موراها راجل صاحبتو شدو قطي و صيفطو للحبيبيس… مخلاوهش يتناسل على خاطرو… مؤامرة بئيسة هادي هدفها تغبار الشقف على أعلى مستوى لأدنى مستوى !!
- دنيا الفيلالي هي وراجلها دارت لهم الشركة ديالهم فايييت، و لافيير ديال المديمي سالات و مبقاو فيديويات… قالتلك المخزن صيفط ليا جاكي شان يقتىلني فالشينوا!!
- ولد الكاطريام خلا ضاربو مدام و النسيبة… قالك دار شكاية ديال التعرض لمحاولة قتىل من طرف المخزن… بوليس فرنسا كلاصاوها لغياب الأدلة… و استعمل هادشي باش يدير لجوء سياسي من فرنسا لكندا… قالك كيقلب على الحماية! نهار شاف محمد تحفة كيحيي عيد العرش فمونريال… مبقاش خايف من المخزن و مشى لعند المغاربة المحتفلين كيعطي فالبونية!
عاد… واحد الصعلوك، من هواة التعرية ففيديوهات الواتساب و الإنتشاء عن بعد، قالك المخزن فرشخ ليه راسو فشي تيرااا خاوية حدا دارو… و جاو السلطات فتحو ليه تحقيق… و دار لغراز فالسبيطار و قالهم شكرا جزيلا و داكشي… خارج دبا قالك المخزن يستهدفني!
ماشي شي حسيفة تناسلية هاديك أ الأستاذ ؟
و للإشارة… حتى واحد من هاد البييبل ما قتىلو شي مخزن …
و لكن فالمقابل هما اللي قاتليىن المخزن… بالضحك ?
