De // NaBae 24
إيغناسيو “سم” بريرو أو بمعنى آخر الصحفي المسموم لا يترك أي فرصة تمر دون محاولة الإساءة للمغرب بأي شكل من الأشكال. هو الخبير في شؤون المغرب والمحلل والمنظر والمكبر والمصغر…منين عاقو به المخابرات المغربية شحال هادي و فرشوه ما بقى عندو لا شغل ولا مشغلة من غير الهضرة بلكدوب والحقد على المغرب.
علاش الملك سافر؟
مال الحكومة المغربية ما طاحتش
علاش صحراوا مرتابطين بالمغرب
مال الريف calme علاش المخطط الأخضر ماولاش حمر
كيفاش هاد القضية ديال سبتة ومليلية
مال بيدرو سانشيز مصاحب مع المغرب علاش الحوت المغربي بنين
علاش الفوسفاط مبغاش يتقادا
مال الاتحاد الأوروبي عطاهم ملايين الأورو
هاد الصحفي المسموم خاشي نيفو فكولشي. منين تفرش و تفضح خصوصا فقضية البرلمان الأوروبي و بيكاسوس و باربارا قرر يعتازل. لكن عشيرو و حبيبو و صحيبو علي لمرابط ماخلاهش.
كيف العادة، علي، مع 11 ديال الليل خرج مخبي ف perruque بشعر طويل و زعر و لبس كاسكيط كحلة و نظاظر كحلين و تشينكلا (صندالة) حمرا ومشا على رجليه 40 كيلومتر بين زناقي ديال مدريد. مشى 20 كلم للقدام و 20 marche arrière حتى تأكد أن حتى شي مخبر أو مقدم أو عساس ما تابعو عاد جلس ف مقهى ” ” فين تلاقى عبد الحق سم بريرو.
علي :holà hermano. علاش بغيتي تمشي وتخليني بوحدي؟
عبد الحق : صافي سالات ساعتي أخاي علي. راك شفتي ما خليت ما درت أنا بدلت كاع ديني وسميتي باش ندير اختراق للمغاربة و ما طفرتوش اللهم نعتازل.
علي: داك لبريكول جديد (كذبة باربارا بارون) حتى هو ما ماصدقش لينا ولكن خاصنا نبقاو متاحدين؟
عبد الحق: وااالو بقيت ندور وتابعك حتى جبت الربحة. أشداني ل شي باربارا ولا مارمارا. مع لمغاربة عييت ما نوعر وما ربحت والو لا كادوات لا اوطيلات لا فلوس لا بيكاسوس.
علي ههههههه باراكا عليك غير زيت واد سوس ياك دقتيها و عجباتك هههه واش طفرتو أنا بعدا عاد تطفرو نتا. دابا قضية باربارا كبرات ونقدرو نمشيو فيها ماكانش علينا نكدبو عليها.
عبد الحق : أنا قلت غادي غادي نديها معايا ونوسخ ليها السمعة ديالها ساعة جبتها فراسي السيدة خدامة مزيان مع لمغاربة صحفية نزيهة نقية معقولة ومقبولة.
علي: فعلا نتا معروف حقود و مسموم ولكن ماكانش علينا نجبدو هاديك السيدة. أنا معروف مريض بالشك ودابا كنشك أن المخابرات الإسبانية لي حنا خدامين معاهوم صيدونا وزلقونا حيت طلعنا ليهوم فالراس و بغاو يتفكو منا. عالم المخابرات ما فيه ثقة خدمو بينا وساسونا. دابا شنو ناوي تدير فالاعتزال ديالك.
عبد الحق : غادي نألف كتاب و نفضح فيه كولشي.
علي : غادي تفضح المخزن المخابرات المغربية؟ قولي ما تخبيش عليا أنا خوك.
عبد الحق: الكتاب سميتو (مذكرات جاموس بين باربارا وبيكاسوس).
علي: جاموس!! بغيتي تقول جاسوس ياك.
عبد الحق: لا جاموس جاموس. حيت فين ما كاين شي صحفي فاشل أو معقد أو حاقد على بلادو أو حمق كتلقاني مصاحب معاه. تمنيت نكون جاسوس ديال بصح لقيت راسي جاموس غير حادر راسي وتابعكوم حتى تفضحت مع باربارا و بيكاسوس.
علي: غير صبر مازال نشوفو شي بريكول جديد و نقضيو الغرض مالك زربان. الناس ديالنا لي كيروجو لينا فاليوتوب ما يسمحوش فينا.
عبد الحق: الناس ديالنا؟ شكون كتقصد؟ عبد المومني ( فؤاد) ولا المومني ( زكيكو) جميلهوم غير ف سميات ديال الإيمان و هما نصابة و كدابة ومنافقين و ذيوتيين. فاش سلمت كان عليا نسمي راسي مسيلمة ماشي عبد الحق. شنو بيني وبين الحق حياتي كولها وانا كنكدب خصوصا منين تلاقيت معاك نتا ورباعتك. بزاف علينا صحافة الاستقصاء خلينا غير فصحافة الاسترزازق. الله يعفو علينا.
علي: أنا دابا كنشك فيك وليتي مع المخابرات المغربية هادي ماشي هضرتك أنا دابا غادي نمشي فحالي و ندير شي لايف عليك. بان ليا حتى نتا الشرعي دارك فيك شرعو. أنا عارف كولشي.
عبد الحق: خليك نتا مع هبالك ومع الطبيب النفسي ديالك أنا غادي نمشي عند الطبيب نفك حريرتي قبل ما نتفضح.
علي: إذن حتى نتا مريض بحالي؟
عبد الحق : لا أنا غادي عند طبيب غير يطهرني راني داخل الإسلام بلا طهارة على الأقل نهار ندخل للحبس فاسبانيا ما يحصلوش عليا حتى لكدوب ديال تاإسلاميت المزورة ديالي.
