مول الفيرمة ديال بنسليمان و البانگالو فالصخيرات مع مول الشكارة الفاسي اللي تيق راسو مناضل، عطاو تصريحات مبرهشة على ملك المغرب، و تدخلوا بواحد الطريقة حقيرة فحياتو الخاصة… و من بعد يجيو يتكلمو على التشهير و هما إلا طيحو الماسك بيناتهم و لا لبسوه قدام صحفي مصرفق… منعاودش ليك شحال يمكن يمشيو بالمخيلة ديالهم بعيييييد!!
واحد الصحفي مجلوق، صفرات عليه بريطانيا و جا كيجري عند الجوكي ديال التيرسي اللي مكيعرف العاود من العاودة… المهم الرْكْبَة!
قالك مخرج تحقيق فهاد الظرفية الزينة مع هاد الحكومة الغبية… على أساس المغرب على شفا حفرة!!
و تانووووض!!
مبقاتش المظاهرات الإجتماعية ظاهرة صحية تدل على استتباب الديمقراطية؟
ولات كتدل على الإحتقان؟!
هنّاك الله أ حنيني…
من نهار عقلنا على راسنا و حنا محتقنين
حكومة تنسيك فالأخرى
و فاش كنكعاو السقف ديالنا هو : كنناشدو صاحب الجلالة يحيد علينا هاد الشفارة!
ولكن و لأنك أ الصوحافي معتمد فمقالك على وحدين باقي كيعيشو فسنوات الجمر و الرصاص و ما مسايرينش الواقع، فعادي يتكلمو ليك على الإنقلابات و يستشهدو فهاد الإطار بالأحداث الدرامية اللي كانت فسياقها الملتهب في عهد المغفور له الحسن الثاني رحمه الله جد طبيعية !
آجي أمي نوريك دار خوالي!!
زوينة هادي ثاني!!
أنت أ الصوحافي اللي جاي كتضرب الشوا و بيرات عند فؤاد عبد المومني فالفيرمة ديال بنسليمان غادي تحقق مطامح بريطانيا العظمى في كبح سبق المغرب في التسلح!!
و تا نووووض!!
راه سميتو جبل طارق
و طارق ماشي هو طوني و لا دافيد
أ زير أ عمي!!
أودي يا ودي على المنادلين!!
ماقادرين حتى يتكلمو بوجه مكشوف، ولكن عادي لأنهم أساسا معندهومش!!
و قال حقوقي
و قال مصدر مقرب من القصر
خخخخ ?
صافي غدا نصبحو جمهورية… ما تخممش!! ??
و ضروري الحموشي… هو علاش داير الفيلم!!
لا يجب أن يثق الملك في الحموشي!
و علاش كيثيق الملك في الحموشي ؟
وكيف نزعزع ثقة الملك في الحموشي؟
و تي فراني أ الفيراري ?
صعيب الحال فاش يكون أمني هو اللي داير ليكم الطيارة و ممخليش البق يزهق… و عييتو ما تحاولو تطيحوه… وااااقف… منتصب القامة يمشي… مرفوع الهامة يمشي… و باش كيجيب ليكم الشلل هي فاش كتلقاوه مبتسم و الناس كيجيو يضريو معاه تصيورات!!
مكرهتوش تكونو فبلاصتو
يثيق فيكم الملك و يبغيكم الشعب!!
مسؤول أمني محبوب
و مناضل مكروه
كنفهمكم و الله!!
عادي تكعاو ?
و لكن اللي عطاه الله القبول عطاه ليه
و اللي مهبط عليه ربي المسخ… راه هو اللي عارف ليه!
هاد المرة فاش يجي هاد صحيبك للفيرمة و تضايفو… علمو يصوم… و لا جيب ليه عمر يديه للمسجد باش يسلم!
تديو فيه أجر بجوج ??
وايييه… تسقط الحكومة
و يعيش الملك
و تحية عالية لحارس المملكة الأمين و الوفي… اللي عاصر لبوزبال الحامض فعينيه!!
ملكنا نصره الله ??
و طويل و عالي حفظه الله ❤️
و لا عزاء للGossip writers و للمرايقية الفاشلين اللي مكيعرفو حتى يكولسو بلا ما يتفرشو!! ?
