لحماموشي ومول الجيب: جائزة الأوسكار في الإنتظار
De // NaBae 24
بعد فرحة المونديال، يتطلع الجمهور المغربي الكريم إلى حذث سينمائي كبير بعدما تم قبول ترشيح المخرج المعطي مول الجيب والكوميدي عبد اللطيف حماموشي لجائزة أفضل فيلم كوميدي من طرف لجنة الاوسكار بعد “نجاح” فيلمهما الأخير بعنوان “تبع الكذاب حتى لباب.. المطار”.
تدور أحداث هذا الفيلم حول البطل حماموشي (الفيلم من إنتاج مركز ابن رشد لأفلام الضحك والخيال العلمي) الذي يلج مطار محمد الخامس حيث ينوي السفر إلى عاصمة البوسنة. يتجاوز بشكل عادي ممر التفتيش فيما السكانير لم ينبه إلى تواجد شبهة ما في شانطته (لم يكن في شانطته الخفيفة سوى رضاعة حليب الأطفال وsucette و كتاب رسوم الأطفال “مغامرات الفهد الوردي”).
يصل البطل إلى مكتب مراقبة الجوازات وهو يقفقف ويرتجف و كأنه يخفي شيئا ما. بعد تفحص وثيقة سفره يبلغه الموظف أنه لا يتوفر على تأشيرة السفر إلى البوسنة وبالتالي سيتم إلغاء سفره. يخرج البطل مطأطأ جمجمته ولكن بسرعة البرق وقبل أن يرتد طرف الموظف الذي أبلغه بالقرار إياه، البطل حماموشي سيلقي كلمة مباشرة live في عين المكان يزور فيها الحقائق ويدعي المنع كذبا قبل أن يتصل بالمخرج المعطي مول الجيب.
•حماموشي: ألو المعطي الخطة فشلات.أولا رآهم تعاملو معايا مزيان و شرحو لي السبب علاش ما قولتيش ليا رآه كاين المنع وكاين الالغاء دابا أنا حصلت وخايف شنو ندير.
•مول الجيب: فهادي تقولبنا..شوف بقا تما واش تقدر دير شي إضراب على الطعام باش القضية ما تخرجش لينا خاوية.
•حماموشي: أنا تنقول ليك شاداني الخلعة وكنقفقف ونتا باغي تزيدني الجوع…إلى درت إضراب ديال الجوع غادي يضحكو عليا عارفيني التلميذ ديالك وعارفين قصتك نتا مع الإضرابات ديال الوش لي كتدير وكتخرج منهوم صحيح فصيح.
•مول الجيب: واخا تسنى غير صحابنا الطوابرية يروجو للمنع و رجع فحالك را القضية نايضة فالمغرب.
•البطل: نايضة!!! إذن كولشي فخبارو المنع ديالي مزيانة هادي عاد رجعات فيا النفس.
•مول الجيب: وا شكون داها فينا واش ما فراسكش كأس العالم 2030 عطاوها للمغرب؟
•البطل: youpi!! مزيانة هادي إذن أنا غادي نتبرع و نشوف لماتشات en direct ف التيران ما بقى عندي ماندير لا ب play station ولا ب jeu fifa.
•مول الجيب: سكت يا البرهوش واش ما بغيتيش تكبر ودير عقلك. كاس العالم يعني را النشاط والفرحة عند لمغاربة والمشاريع والاستثمارات والفلوس داخلة حتى ل 2030 شكون مزال غادي يديها فينا مشينا فيها.
-البطل: لا مامشيناش فيها. اسمع خاصنا نستاغلو هاد الفرصة مزيان…دير شي مركز جديد خاص بتكوين الصحفيين الاستقصائيين “الرياضيين” ..أنا نجيب ليك الموديلات لي غادي نوجدو زعما لكاس العالم …ونتا تكلف بالفلوس لي غادي تجيك من الخارج را عندك تبارك الله تجربة كبيرة فتبييض الأموال و نضورو الحركة من جديد.
•مول الجيب: فعلا مشات من بالي هادي برافو عليك لبريهيش ديالي لغزال ديالي…. يالله حيد من تما وجي ديريكت عندي ندويو فهاد القضية…هنريس و رايبي كيتسناوك يالله ما تعطلش عافاك راني توحشتك بزااف.
