فؤاد عبد المومني في قبضة “الهاكرز جبروت”!
NaBae24
فؤاد عبد المومني طالع هابط كيقرا فالتسريبات ديال cnss والمحافظة العقارية والمسح الخرائطي الأرضي والجوي، الشيخ فؤاد يبحث عن إسم واحد غائب في هذه التسريبات، إسم عبد اللطيف حموشي، مالقا والو وقال عند راسو ما يمكنش.. لا مايمكنش.. زوج ديال الإدارات و زوج ديال الميزانيات و مؤسسة محمد السادس ورحلات و سفريات وندوات ومؤتمرات وعلاقات مع الميريكان والإمارات ولفرنسيس والألمان وسبليون وسواعدة والقطريين وصفر درهم وصفر عقار فالتسريبات لا مايمكنش.
الشيخ فؤاد فكر تم أدبر تم قرر أن يلعب اللعب الكبير للوصول إلى أي معلومة تفتح له باب معرفة ممتلكات المدير العام للأمن الوطني.
الشيخ فؤاد قرر ينتاحل صفة “هاكر” تحت إسم ” كليماتيزور” وهكذا تمكن من التواصل مع مجموعة “جبروت” الإجرامية عبر تطبيق سري وخاص جدا.
-فؤاد: بونجوغ chers jabaroot معاكم الهاكر “كليماتيزور” من سويسرا. أنا مغربي بغيت ندير معاكوم صفقة “هاكيرية”. أنا عندي تطبيق خاص بغيت نهضر فيه معاكوم حيت غير مخترق.
” -جاباروت”: مرحبا. سميت التطبيق السري ديالك وشنو عندك ما تعطينا و شنو بغيتي.
-فؤاد: التطبيق السري ديالي سميتو “ولاد لحرام” احسن من “تلغرام” والواتساب وsignal. غادي نعطيكوم base de données ديال واحد البنك و نتوما تعطيوني الممتلكات ديال واحد السيد فالمغرب.
” -جاباروت” : بنك؟ مزيانة هادي. آشمن بنك وشكون السيد لي بغيتي نخدمو ليك عليه.
-فؤاد :البنك سميتو “أمانة” كنت أنا المدير العام ديالو وعندي البيانات ديال جميع الزبناء. أما السيد لي كنقلب عليه هو عبد اللطيف حموشي. نتوما جبدو لي الممتلكات ديالو و أنا نعطيكوم disque dur ديال بنك “الامانة” وسربو لي بغيتو ما شفتوني ماشفتكوم.
” -جاباروت”: واش الهاكرز كيتشاوفو؟ باينة فيك هاكر مفروح غادي تخرج علينا.مع ذلك مرحبا عطينا يومين ونجاوبوك.
دازت يومين، الهاكر فؤاد “كليماتيزور” جاتو notification باش يتواصل مع جاباروت عبر تطبيق “ولاد لحرام”.
-فؤاد: بونجوخ. لقيتو الممتلكات ديال حموشي؟.
” -جاباروت”: وي و بزااااف. السيد كولو أراضي وبقع ورسوم عقارية وعمارات وأسطول من السيارات. من 2015 السيد غناه الله وبزاف. حنا غادي نسيفطو ليك دابا كولشي.
” -فؤاد: excellent الله يعطيكوم الصحة دابا عطيوني باش نعطيكوم.
فعلا توصل فؤاد بلائحة طويلة جدا من الممتلكات العقارية. أكثر من 100 بقعة أرضية في مختلف المدن المغربية. بقعة أرضية في حي راقي في الرباط.عدة عمارات بأكثر من أربع طوابق في طريق زعير..مئات السيارات jeep و BMW و skoda…فؤاد فرح بزااف بزاف قبل ما يرجع عند “جاباروث”:
” -فؤاد”: هادشي كثير. فضيحة هادي برافو عليكوم.. ولكن علاش هاد الممتلكات ماطلعوش ليا فالتسريبات ديال المحافظة العقارية.
” -جاباروث”: حيت يا لحمار هادو كولهوم ممتلكات ديال المديرية العامة للأمن الوطني.البقع تبناو فيهوم المقرات الأمنية الجديدة والعمارات ديال طريق زعير هو المقر المركزي الجديد ديال البوليس وطوموبيلات را ديال رؤساء ومسؤولي المصالح ديال البوليس. غير أجي وكون هاكر. هاداك البنك ديال “الأمانة” غملو عندك فيه غير كريديات ديال لمزاليط ونتا كليتي وشربتي على ظهرهوم يا النصاب، لمرة جاية إلى بغيتي تنصب على شي حد فوتنا عليك، را سميتك فؤاد عبد المومني، مخلوض كبير وعندك سوابق قضائية وعزيز عليك عيالات صحابك، ونتا أكبر مطبع مع الصهاينة من تحتها، عندك علاقة قوية مع الصهيوني Stanley fisher لي كونتي مشارك معاه فالتخلويض ديال القروض الصغرى ولي كان صاحب أريييل شارون وكان مدير البنك المركزي الإسرائيلي، يالله درق زلافتك وسد هداك تطبيق ديال ” ولاد لحرام” قبل ما نفضحوك ونسربو الأسرار ديالو. تطبيق إسم على مسمى نيت.
