كاريكاتير | سلوقيات عائلة زيان

hassan faqir1 أغسطس 2023آخر تحديث :
كاريكاتير | سلوقيات عائلة زيان

كاريكاتير | سلوقيات عائلة زيان

De // NaBae 24

في أخر خرجات نجل زيان، صرح علي رضا لأحد المنابر الإعلامية أن الأب ديالو كيعاني من تدهور في الحالة الصحية ديالو واللي أصلا حسب أقواله كترجع لعشرين عام و مايزيد، سنين و منين محمد زيان فيه الكلاوي و و كيعاني من ألام في الظهر، و إذا ما شخصنا حالتو صحية فأكيد غنكونو كنتكلموا على مرض مزمن اللي المفروض كاينا تريتمون متبعها الشيخ زيان لأزيد من عقدين، ومتعايش معاها وبأن هادشي ماشي وليد اللحظة فعلاش غادي تخرج ياهاد الرجل وتقول لينا بابا كيموت و كيعاني.

قالك ثاني علي رضا باللي محمد زيان فقد السمع ديالو و مابقاش كيشوف مزيان، على أساس باك فعمرو 20 عام يالا قال بسم الله فالدينا واش عارف باك شحال فعمرو و لا؟ راه 80 عام الشريف نعيشو غير قدو، و أضف لمعلوماتك راه من علامات الكبر السمع و الشوف كينقص و هذا علاش ناس اللولا كيقول الله يقاد لينا العمر مع البصر يعني كون كان برا الحبس ماكنش غادي ينقص ليه الشوف و السمع غير جيونا نيشان وقولو كتروجو لهاد السلوكية باش زيان يتملص من حبيبيس خرجو من روندتكوم وواجهو الناس باراكا من الإستحمار والكذوب راه التعاطف مكيجيش بهاد الطريقة.

المهم، اللي متبع قضية زيان غادي يعرف أن مندوبية السجون خرجات مامرة ما جوج ببلاغات كتبين ان كل الفحوصات و التحاليل لي دارها زيان كتبت إستقرار الوضع الصحي ديال شيخ الشباب و ان كيعاني فقط من بعض الآلام في الظهر واللي سبق و صرح ولدو انه كيعاني منو منذ 2004 و اللي أصلا كياخد ليه المسكناتو المضادات.

المستفز في تصريح ولد زيان، هو داك البلان ديال إلا مات الأب ديالي داخل السجن بسبب المسكنات لي كياخدها غنطالب بتشريح دولي، من نيتك الأخ؟ واش كتسمع ودنك أش كيخرج من فمك ولا لا ؟ زعما إل كان برا الحبس ماكانش غياخد مسكنات ولا كان يمكن ماغاديش يحس بالظهر ديالو، بالله عليك قولينا أشنو الحل لي كان ممكن يديرو باش يكالمي الحريق ديال الظهر وهو برا الحبس؟ واش باك جلس عشرين عام هو مريض بكلاوي و الظهر وصابر عليهم جلس حتى دخل الحبس عاد تفكر راسو مريض مكيقدرش يدور بالظهر فين كان شحال هذا مايتعالج ولا بغيتو ضحاو الدولة و تجيبو عليها السبة ديالكم.

أو يمكن خارج أسوار الحبس زيان ميكحسش بالمرض، العريضة و الرقيقة و الزعرا و السمرا وكيسان الراح والليالي الملاح ماكانوش يخليوه يحس لا بظهر لا بكلاوي أولا يمكن كان كايكليمو ليه الحريق كيولي فتي خلاها هو فواحد الفيديو راني ندك و ندردكك.

الآمة ديال محمد زيان لبنى فلاح ولا يمكن توشية ديالو صراحة مابقيتش عارفة أشمن صفة غنحطها فيها حتى هي ماهرباتش بزاف على الخيطانوس ديال ولدو وجلسات تاهي كتروج لينا في البوق ديالو نفس الأسطوانة المشروخة ديال ولدو السيدة ولا كتخرج لينا بشي فتوات ماعرفتش منين كيطيحو عليها وكدخل فشي امور بعاد عليها ولات كطالب بالتنكيل بالمساجين، مابقاش كافياهم الدراما و المسرحية لي مثلين علينا عي و الراعي ديالها وولدو.

الحاصول و مافيه ديك الدراما كوين ديالكم وتبوحيطكم مابقا قاضي والو الرأي العام راه عاق بيكم و عرفكم غير كتضحاو على المخزن و الدولة باش زيان يفلت من العقوبة ديالو، إيوا راك مافالتش غير جلس دوز عقوبتك راه تمثيلك مقتول فحال شي وحدة جابوها من روتيني اليومي و عطاوها دور فالسينما، واش أنت حسن من هادوك لي محكومين بالمؤبد فحباسات العالم، سير إستغفر مولاك وقابلك شي سجادة عالله و عسى ربي يتوب عليك ويغفر ليك ذنوبك أما حتى داكشي لي بينك و بين العباد راه فيك فيك.

  • راضية الإبراهيمي-
اترك تعليق

يجب ان تسجل الدخول لكي تتمكن من إضافة التعليقات

الاخبار العاجلة