غير وصلات خلود المختاري لمريكان جاها تلفون من عند وهيبة لي عيطات ليها ورحبات بها و بغاتها تقضي أيام جميلة معاها…

hassan faqir27 مايو 2023آخر تحديث : منذ 11 شهر
hassan faqir
المجتمع المدنيمجتمع
غير وصلات خلود المختاري لمريكان جاها تلفون من عند وهيبة لي عيطات ليها ورحبات بها و بغاتها تقضي أيام جميلة معاها…

غير وصلات خلود المختاري لمريكان جاها تلفون من عند وهيبة لي عيطات ليها ورحبات بها و بغاتها تقضي أيام جميلة معاها…

غير وصلات خلود المختاري لمريكان جاها تلفون من عند وهيبة لي عيطات ليها ورحبات بها و بغاتها تقضي أيام جميلة معاها. منين خلود جاوبات فالتلفون سمعات وهيبة طالقة الراديو ومخدمة الأغنية الشعبية (يا لغادي لجديدة ديني معاك). خلود ما عجبهاش الحال…

اليكم نص الحوار كما نقله الصحفي “عبد الحق” السم-بريرو.

وهيبة: على سلامتك ختي خلود و مرحبا بيك فمريكان وضروري تزوريني فداري.

خلود: الله يسلمك اختي وهيـبة. حيدي علينا داك الديسك لعروبي راك زعما ف مريكان. نبغي ندوز عندك و لكن منبغيش نتقل عليك نتي مزوجة و بولادك .

وهيبة: غير جي عندي ختي خلود راجلي راه أجنبي قولا وفعلا. أجنبي علينا حيت ماشي مغربي وأجنبي عليا حيت كيجي عندي غير مرة فالشهر.

خلود: حتى نتي ماعندك زهر جوج رجالة وعايشة عيشة لهجالة واحد فالحبس و واحد مامسوقش ليك.

وهيبة: كيفاش أنا عندي جوج رجالة!!!

خلود: الأستاذ زيان والراجل اليمني. بيني وبينك كون بقيتي مع سي زيان حسن ليك على الأقل هو كيبغيك ودخل للحبس على ودك ماشي بحال راجلي أنا دخل للحبس على ود زوفري.

وهيبة: غير خليها على الله وصافي نتي مزال راجلك دخل للحبس و جيتي ل مريكان على خاطرك أما أنا راك عارفة القصة ديالي كون ما حركت من مليلية كون راني حداه فسيلون فلعرجات.

خلود: ههههه ضحكتيني فكرتني ف فيلم “حب في التخشيبة” ديال عادل إمام و سعاد حسني فالحقيقة كون غير درتي نتي وسي زيان الجزء الثاني ديال هاد الفيلم . أنا عندي مع script ديال سينما ندير ليكوم سيناريو واعر.

وهيبة: سمعتك جيتي ل مريكان تاخدي جائزة كيفاش فكرو يعطيوها ليك نتي ونا لا .

خلود: الله يهديك اشمن جائزة انا جايا نضرب دورة نرتاح ونتفطح ونتمتع عاد زيانيت و تقاديت واش ماشفتيش تصاوري. نتي راك هركاوية عنداك تقولي لي كان خاصني ندير الحنة ونلبس البوط. راني تبعت الأبواب المفتوحة ديال البوليس مكاين غير الزين والعقل والحرفة فالحقيقة تهناو منك نتي كون كنتي ف فرقة الخيالة يشوفك العود يهرب هههه.

وهيبة: هههه انا كان خاصني نكون ف فرقة الكلاب غير المدربة ههههه شفتك أختي جيتي زووووينة ماعرفتش شنو خلى راجلك يسمح فيك ويطمع ف زوفري والعياذ بالله.

خلود: هانتي كتشوفي. وباش تعرفي النحس تابعني غير دخلت للصالون هنا ف baltimore لقيت الكوافور مغربي قالي سمع واحد الأوديو خايب كيدور فالمغرب ديال راجلي جاوبتو قلت ليه حنا مع الحرية الجنسية.

وهيبة: جي عندي أختي نمشي معاك ل داك المختبر العلمي يقول حتى الأوديو مزور بحال الفيديو ديالي مع سي زيان.

خلود: لا أختي وهيبة أنا نكدب و نضلل ok ولكن نزور لا. نتي عند راسك فلتي من الفيديو قولتي مزور إوا الشيكات ديال زيان و طوموبيل زرقا كادو وتصاوركم بجوج ف لوطيل المهم خلينا ختي وهيبة نقصرو و نضحكو ونفوجو هنا ف مريكان.

وهيبة: عندك الصح واحد عفاف يومين وانا كنعيط ليها ماكتجاوبش خاصنا نتلاقاو ب تلاتة و نمشيو نسهرو و نفوجو كاين واحد الكاباري ديال الشيخات طاكسي ابيض يدينا ب تلاتة هههه.

خلود: قتلتيني بالضحك هاديك عفاف طوالو رجليها قالت ليك حتى هي ولات كتمشي للمحاضرات ديال السياسة. كانت سطونداريست و ولات analyste هههههه من لحمارة للطيارة.

وهيبة: وياااه شفتها. أختي خلود قولتي لي عندك مع السينما علاش مانديروش شي فيلم أنا و ياك وعفاف. نتي كتبي لينا السيناريو.

خلود: فكرة جميلة نتلاقاو و ندويو فيها. فكرتني فواحد الفيلم مصري كان خدا جائزة مهرجان القاهرة الدولي للسينما ف 2005 سميتو (الباحثات عن الحرية) عرفتيه أ لهركاوية؟

وهيبة: ويي عقلت عليه مثلات فيه سناء موزيان غير هادوك كانو مشاو لبلاد الغربة بلا فضايح أما حنا مكاين غير روشيرشي على ختها. المهم نتلاقاو ويكون خير.

خلود: ok حبيبتي ok.

اترك تعليق

لن يتم نشر عنوان بريدك الإلكتروني.الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

الاخبار العاجلة